بسم الله الرحمن الرحيم
قبل لا ابدأ انصحكم تجيبوا مشروب ..... اختياري :D
لاني حاس التدوينة طويلة
السلام عليكم ورحمة الله وبركاته منذ فترة لم ادون !! لان الكسل كان يملئني بالللامبالة
المهم رح ابدأ معاكم ورح احاول تجنب لغتي الفصحة .. المهم في بداية الترم الاول من سنة ثانية ثانوي رحت لاستاذ عباد السلمي مدرس التفسير وسألته سؤال ديني المهم جاوبني وثاني يوم ناداني وقالي انه حاب يسوي دروس عن الدين ويبغاني اكون مسؤول طبعاً انا في نفسي قلت ياا ربي ايش خلاني اسألوا الي كنت اجهله ان سؤالي هذا فتح لي باب أثر في حياتي بشكل كبير عدى الترم الاول بسلام بعد ان استمرت دروسه جزاه الله خير كل يوم اثنين الى ان انتهى الترم الترم الثاني بدأ وكنت افكر جدياً بالانتقال من المدرية جاني طالب وقالي انا وصاحبي ان الاستاذ يبغانا في المصادر رحنا ع اساس انه يبغى يكلمنا في نفس الموضوع لكن الي فاجئني هو وجود طلاب بعدد تقريباَ ٣٠ طالب استغربت شوية بعدين فهمت انه في دورة في المدرسة اسمها رواحل وان لها مقابلة علشان القبول وان مجموعة من الاساتذة رشحونا للاشتراك فيها طبعاً انا كنت عارف اني ناقل ورحت المقابلة ع سبيل الطفش والفضول رحت وبعدها قررت البقاء في المدرسة بسبب ان المدرسة الثانية بعيدة + اصدقاء الطفولة استصعبت فراقهم :) تم قبولي والحمد لله في رواحل وهنا بدأت رحلتي :
اكيد كلكم تقولوا وايش هي رواحل الي قرفتنا فيها روال هذا برنامج للشباب من اجل تدريبم للقيادة هذا كان تعريفهم لكن بداخل هذا البرنامج اشخاص قائمين عليه .. رااائعين بمعنى الكلمة فعلاً ناس ما شاء الله عليهم من عالم ثاني عالم مبدعة مفكرة متميزة وفوق هذا كلو متفوقة ما شاء الله عليهم اشخاص الهموني في عدة جوانب لم اكن اضعها في الحسبان طبعاً للاسف لسا ما عندي الملف الي يستخدموه في الشرح ولازم احد يشرحه ان شاء الله رح احاول ارفع لكم هذا الملف بعد اخذ الاذن من اصحاب الشأن طبعاً هذه التدوينة ناقصة للسبب الي قلته لكم ان شاء الله في اقرب فرصة رح اكملها
To Be Continued :)
